२२ भदौ, काठमाडौं । बहुप्रतीक्षित फिल्म “जदौ ” को दोस्रो गीत” तिमी संग नबोली”सार्वजनिक भएको छ। प्रेम र मायाको भावनालाई केन्द्रमा राखिएको गीतमा
किरण गजमेर र मनिषा सुनारको स्वर,गोपाल लोहारको शब्द र अर्जुन पोखरेलको संगीत रहेको छ भने भिडियोको कोरियोग्राफी रामजी लामिछानेले गरेका हुन् ।
गीतको भिडियोमा नीति शाह र प्रभात पाल ठकुरीको अभिनय देख्न सकिन्छ । ०९असोजबाट देश ब्यापी रुपमा प्रदर्शनमा आउने फिल्मले अन्तर जातीय पारिवारिक सम्बन्ध, प्रेम, त्याग र सामाजिक संरचनालाई कथा बनाएको छ ।
फिल्म अन्तरजातीय प्रेमकथामा आधारित रहेको जनाइएको छ ।
अन्जन शर्मा र काजी लिम्बु को संयुक्त निर्देशन रहेको फिल्ममा नीति शाह , प्रभात पाल ठकुरीका साथमा मुकुन भुसाल,ऋचा शर्मा,राजश्री थापा,विनोद न्यौपाने,नरेश पौड्याल,गीता अधिकारी,खड्कबहादुर पुन (खबपु),सुन्दर धिताल,सन्ध्या श्रेष्ठ,सुमित्रा देवकोटालगायतका कलाकारले अभिनय गरेका छन् । फिल्मलाई एनजिसिएन ग्रुपले देशब्यापी रुपमा बितरण गर्दैछ । ‘जदौ’ समीश्रण मुभीज एण्ड इन्टरटेन्मेन्टले सिल्भर स्क्रिन इन्टरटेन्मेन्ट प्रालिसँगको सहकार्यमा निर्माण गरेको हो ।
श्याम तामाङका साथमा नवराज उप्रेतीको समेत छायांकन रहेको फिल्मको सहनिर्मातामा राजाराम सुवेदी,सुमीत्रा देवकोटा,दीपक पोखरेल,नारायण शास्त्री र डिल्ली पोखरेल छन् । सृजना शर्मा र मनिष शर्मा निर्माता अनि शान्ति पुडासैनी कार्यकारी निर्माता रहेको फिल्मको प्रोडक्शन हेड बिमला भण्डारी छिन् । मिलन श्रेष्ठको द्वन्द्व निर्देशन, मनोज चौलागाईंको पार्श्व संगीत तथा अर्जुन पोखरेल र बाबुल गिरीको उक्त फिल्ममा संगीत छ ।
